LES PRELVDES DE L` HARMONIE VNIVERSELLE, OV

LES
PRELVDES
DE L' HARMONIE
VNIVERSELLE,
OV
QVESTIONS CVRIEVSES.
Vtiles aux Predicateurs, aux Theologiens,
aux Astrologues, aux Medecins
& aux Philosophes.
Composees par le L.P.M.M.
A PARIS,
Chez HENRY GVENON, ruë S. Iacques,
prés les Iacobins, à l' image S. Bernard.
M. DC. XXXIV.
AVEC PRIVILEGEET APPROBATION;
A MONSIEVR,
MONSIEVR
DE BOVRGES
CONSEILLER DV ROY,
& Thresorier Payeur de Mes−
sieurs les Thresoriers de Fran−
ce à Orleans.
MONSIEVR;
Ie ne doute pas que vous ne receuiez
ce Traité auec contentement, puis qu' il
contient le principe des plaisirs les
plus purs, & les plus innocens de ce
monde, & qu' il est capable de desabu−
ser tous ceux qui s' imaginent que l' on
1
1

peut predire des choses certaines par la
connoissance que l' on a de la rencontre ,
& des aspects des planettes, & des
estoilles. Vous y trouuerez sembla−
blement plusieurs choses qui appar−
tiennent aux mysteres des nombres, dont
vous faites vn estat particulier, car la
neusiéme Questionvous fournira d' idées
pour examiner les plus sçauans Analy−
stes, qui se vantent de pouuoir re soudre
toutes sortes de proble smes numeri−
ques, & vous donnera suiet de leur
demander vn nombre, dont les parties
aliquotes estant assemblees fassent le
triple, & le quadruple ou vn autre
nombre qui soit en raison donnée auec
le nombre, dont elles sont parties ali−
quotes; & de sçauoir s' il y a vn autre
nombre que 120, dont les parties sus−
dites fassent le double, & par quelle
regle, ou par quelleanalyse l' om peut trou−
uer tant de nombres semblables que
l' on voudra. Il est certain qu' il y a des
1
2

rencontres dans les nombres, qui rauis−
sent les plus excellents esprits, lors qu' on
les a trouués; & que leur estandüe
est si vaste, qu' elle arreste & surpas−
se l' entendement des hommes, lequel
neantmoins en peut vser pour establir
vne nouuelle Philosophie. En effet la
pureté des nombres est tres−propre pour
ce suiet, car elle n' est nullement meslée
auec la matiere, & consiste dans vne
simplicité, & dans vne abstraction
beaucoup plus grande que celle de la
Geometrie qui suppose des poinsts, des
lignes, des surfaces, & des corps, c' est
à dire trois especes de dimensions. Mais
le nombre est si pur & si simple que son
principe se trouue mesme en Dieu, le−
quel' est vn, & qui est accompagné
du sacré Ternaire des trois Personnes
diuines. Et peut−estre qu' il seroit aysé
de comparer chaque chose à chaque
nombre, si l' on connoissoit la nature
de tous les indiuidus; ce qui seruiroit
1
3

pour vne Philosophie que l' on ne pour−
roit oublier, à raison du bel ordre que
l' on garderoit dans les raisonnemens,
dans les conclusions & dans les demon−
strations. C' est, MONSIEVR,
ce que vous pouuez considerer auec
plaisir, si vous en voulez prendre la
peine, laquelle vous sera d' autant
plus agreable, que vous trouuerez vne
plus grande multitude de specula−
tions tres rares, & neantmoins tres−
fecondes dans l' infinité de l' Algebre,
& dans les abysmes tres profonds des
nombres. Ie vous offre cependants les
Preludes de la science, qui se sert des
nombres, comme de tres solides fonde−
mens, sur lesquels elle establit ses prin−
cipes, & dont elle vse perpetuellement
dans sa maniere de raisonner, & de
conclurre, afsin que son harmonie se
ioigne à celle de vostre e sprit, & vous
fasse ressouuenir de la Vocale, dans la−
quelle vous reussissez si he ureusement
1
4

que les Organistes font gloire de ioüer,
& de faire entendre vos compositions
sur leurs orgues quand il vous plaist
de les leur donner. Ce qui fait que i' o−
se me promettre que la lecture de ce li−
ure ne vous sera pas desagreable,
puis que vous prenez tant de plaisir
à la science, qui donne le nom aux plus
belles choses, & qui a serui d' idee à
Pythagore, & à Platon, lors qu' ils
ont voulu establir leur Philosophie.
Vous verrez quand il plaira à Dieu, la
piece entiere, qui contiendra peut estre
quelqu' vne de vos compositions, & la
presentera à toute l' Europe, & qui
me seruira de caution & d' argument
pour demonstrer que i' ay eu raison de
vous deder ces Preludes, & de me
dire,
MONSIEVR,
Vostre tres humble & tres−
affectionné seruiteur.
F.M.Mersene M.
1
5