Talking points for Hon Minister of Environment and SD Rain Water

Talking points for Hon Minister of Environment and S.D.
Rain Water Harvesting Project at Community Level
One Day Workshop Floreal Women Centre 20 October 2011
 Sa projet ramasse de l’eau la pluie ki mo ministère pé lancé zordi là,
li tombe dans cadre programme African Women’s Decade 20102020. C’est pourquoi nou fine choisir pour regroupe banne madame
pou sa workshop zordi là. C’est ène projet ki cadré aussi avec nou
programme SCP (Sustainable Consumption and Production).
 Zordi jour, nou tou concerné par problème Climate Change.
Changement climatique li pas ène problème qui touche juste
l’environnement. Li éna aussi banne l’impact économique et social et
li capave même amène ène crise humanitaire au niveau mondial si
nou n’a pas réagir.
 Problème changement climatique li menace nou sécurité alimentaire
parski li affecté banne plante, banne légumes etc. Li aussi ène
menace pou nou la terre, pou de l’eau (la sècheresse) et pou
l’énergie. C’est pourquoi gouvernement, ensemble avec les autres
pays l’Afrique, pé guetté comment pou faire et ki mesure bizin prend
pou faire face à ça problème là.
 C’est dans ça contexte là ki ça projet collecté de l’eau la pluie là
important parski li ène banne moyen réduire pression lors production
et consommation de l’eau potable. Nou capave servi de l’eau la pluie
pou lave pavaz, lave l’auto ou pou arrose la cour au lieu nous servi
de l’eau robinet ki coute cher.
 Nou adresse nou à banne madame pou sa projet là parski nou
connait ki zotte joué ène role important dans lacaze. Zotte ki connait
ki l’économie bisin faire, ki sacrifice bisin faire pou faire progrès.
1
 C’est zotte ki pli concerné par consommation de l’eau dans lacaze
pou lave linge, pou faire vaisselle, pou arrose fleur etc. C’est zotte ki
guide banne zanfan et ki donne l’exemple lors ki manière nou bisin
vivre dans lacaze. Ena ène cozé ki dire si ou forme ène zom, ou
forme ène individu, mais si ou forme ène madame, c’est tout ène
famille ki ou pé formé.
 Pareil couma nou pé montré banne madame comment faire compost
avec banne la peau légumes et comment bisin servi sac papier ou la
toile dans place sac plastic, nou oulé forme zotte pou sa projet
collecté dilo la pluie. En fait nous repose boucou lors banne madame
pou défan et protèze nou l’environnement.
 Sa projet collecté dilo la pluie là, nou pé lance li lors ène base pilote
dans 3 Centre madame ça l’année la et nou pé commence par
Floreal. Après nou pou étende li a les autres centres l’année
prochaine et en 2013. Dans chaque centre nou pou donne ène drom
en plastic avec so robinet.
 Avec sa projet là nou pé atteindre 2 objectifs:
(i)
Nou pé change mentalité banne dimoune pou ki zotte
comprend ki sakène capave faire banne ti action pou aidé
dans sa combat contre problème changement climatique.
(ii)
En même temps, nou pé encourage banne dimoune pou
réduire consommation de l’eau robinet, diminué pression
lors nou banne reservoir et lors CWA ki responsab pou
fourni nou de l’eau potable.
 Nou oulé ki banne madame ki vine dans centre ici découvert sa
nouveau concept là et ramène li lacaze et surtout mette li en pratique.
Nou oulé ki banne madame ki ici zordi agir couma banne trainer, ki
2
pou explique et forme banne madame lors sa concept là et lors so
banne lavantaz.
 Pou terminé mo lance donc ène l’appel à tout banne madame ki
présent. Succès sa projet là li dépanne lors zotte. C’est zotte ki bizin
agir couma messager et passe message là dans la famille mais aussi
avec zotte banne voisine, banne cousine, tantine etc.
3