1 Mes Chers Compatriotes Bonsoir! C`est avec ène grand plaisir qui

1
Mes Chers Compatriotes
Bonsoir!
C’est avec ène grand plaisir qui mo pé adresse zotte ce soir à
l’occasion de la fête de Noël.
Nou pe vive banne derniers jours l’année 2016 et nous pe
prépare nou pour rentre dans 2017.
Ene l'année qui nou souhaité apporte nou beaucoup de
bonheur, la joie et la prospérité.
Ene l’annee cotte nou pou bisin faire preuve de confiance,
courage et determination parce qui nous pays pe passe par ene
nouvelle phase de transition.
2016, c'est ene l'année qui ti rempli avec bane défis, surtout
sur le plan économique.
Plusieurs projets qui Gouvernement ti annoncé dans so
discours programme fine déjà mette en chantier.
Les autres projets pe démarré bientôt.

2
L'année dernière, le Premier ministre ti présente Vision 2030
pour Maurice.
Parmi bane piliers qui finne identifié, ena l'économie de
l'océan; ena banne pole de development qui axé lors la
connaissance, "knowledge", l'énergie verte, l'éducation,
l'agriculture, la science et tant d'autres.
C'est bane nouveaux secteurs qui extrêmement important pou
soutenir developpement nou l'économie.
La stratégie et l’ambition du Gouvernement a travers vision
2030, c'est faire Maurice rentre dans categorie banne pays à
haute revenue.
Et nou éna 15 ans seulement pou nou accomplir sa vision qui
Premier ministre fine annoncé là.
Faudrait pas nous pensé qui 15 ans li ene longue période.
Non, pas du tout.
15 ans li bien courte, surtout pou development ene pays qui
pena ressources naturelles.

3
La population bisin comprend qui nou ena ene gros zeffort pou
nou faire si nou envie releve sa defi la.
Nou bisin mobilise tout nou banne ressources, nou banne
talents,
Nou bisin implique nou banne jeunes, mais aussi, la diaspora.
La jeunesse qui représente nou l'avenir ena ene rôle très crucial
pou joué dans l'accomplissement Vision 2030
Et là, mo faire ene l'appel à nou banne jeunes.
Zotte contribution important pour nou reussi implemente
Vision 2030.
Zotte bisin prépare zotte, à travers ene bonne éducation, pou
zotte faire face a banne grands défis économiques qui nou pays
pou confronté dans l’avenir et qui pou impacté le monde du
travail.
Nou tout conne qui le monde du travail pe transformer.

4
Banne compagnies a la recherche banne nouvelles compétences
techniques et professionnelles.
L'avènement de l'intelligence artificielle pe change la nature
meme du travail.
Banne emplois traditionnels pe disparaitre mais ena beaucoup
nouvelles possibilites avec development technologique.
La diaspora mauricienne et banne compatriotes qui fine établi a
l'etranger depuis l'indépendance capave aussi apporte zotte
contribution pou l'avancement nou pays.
Et mo saisi ça l’occasion là pou invite zotte participe dans le
progrès économique et social nou pays.
Pou qui nou pays avancer et progresser, nou bisin veillé qui nou
améliore fonctionnement tou nou banne institutions.
Nou bisin encourage ene culture de mérite basé lors la
transparence, la compétence, la capacité et la bonne
gouvernance.

5
Mes chers compatriotes,
Depuis l’Independence nou pays fine mettre l’accent lors
marché européen et banne institutions européennes.
l’Europe pou reste toujours ene marché et ene partenaire
extrêmmement important pou dévelopment nou pays.
Nou aussi reconnaitre la contribution de l’Amérique comme ene
destination pou certains nou banne produits.
Malgre banne situations économiques difficiles qui nou banne
partenaires européens pe faire face, zotte pe toujours continuer
soutenir nou et aide nou.
Et pou ça, nou bisin dire zotte ene grand merci.
Mais le monde pe évolué.
Nou bisin adapte nou avec banne nouvelles realites
economiques.
Li important pou nou réalisé qui nou bisin dans les années a
venir tourne vers banne nouveaux marchés et cherche d’autres
partenaires.