Knowledge Fair on Climate Change Talking points for Hon Minister

1
Knowledge Fair on Climate Change
Talking points for Hon Minister Devanand Virahsawmy
Tout banne Madames et banne Missié présents
Bonjour
 Sa faire moi ène grand plaisir adresse zotte zordi à l’occasion
«Knowledge Fair» lors Changement Climatique.
 De nos jours, nou tout concerné par ca qui nou appelle changement
climatique. C’est ène de banne grand défi ki l’humanité éna pour faire
face et ki demande ène attention immédiate à cause so l'impact
négatif pou nou la santé, pou nou pays et pour le monde entier.
Changement climatique li pas ène sujet qui concerne seulement
l’environnement. Li éna aussi lezot implications lor nou l’économie ek
nou société.
 Changement climatique éna plusieurs l’effet et l’île Maurice, ki ène ti
pays au milieu l’océan, li bien vulnérable à sa banne l’effet là. Montée
niveau la mer pé cause l'érosion nou banne la plage, et
réchauffement la planète pé augmente banne risques maladies
couma chikungunya ek dengue.

2
 Fréquence et intensité banne phénomène climatique pé vinne de plus
en plus difficile pou prédire. Ou fine trouvé dans télévision kip é arrivé
en Amérique.
 Nou pé trouve pied mangue en fleur en dehors saison. Pé gagne
bannes périodes de sècheresse bien longues et parfois banne la
pluie torrentielle ek débordement bien sévère. Sa éna ène l'impact
direct lor nous agriculture et li pé menace sécurité alimentaire.
 Etant donné nou situation vulnérable, Gouvernnement ine décidé
pou mettre en place ène plan d’adaptation pour ki nou capav faire
face à sa banne risques associés avec changement climatique.
 Ministère de la Femme en collaboration avec Ministère de
l'Environnement fine organise et pé continuer organise ène série
activités dans bannes villages pour ki zotte comprend bannes
problèmes associé à changement climatique.
 Li important qui nous change nou banne l’habitude. Nous bisin
adapté nou avec sa nouveau situation là. Le ministère de
l’Environnement et du Développement durable invite banne dimoune
prend banne initiatives pou pas gaspille banne ressources précieux
couma de l’eau ek l’énergie. Si nous pas agir zordi, nous l’avenir pour
sombre et nous pou mette en danger l’avenir nous planète ek l’avenir
nous banne zenfants.

3
 Ene l’exemple adaptation ki mo fek dire, c’est projet "Rain Water
Harvesting" ki mo ministère pé proposé, c’est-à-dire nous collecter de
l’eau la pluie pou lave pavage, pou arrosé et pou lave l’auto. C’est
ène façon pou nou adapter nou à problème de l’eau dans période la
sècheresse en été.
 Bannes madames éna ène role important pou jouer dans sa contexte
là. En tant ki mamans et ménagères, c’est zotte qui assure le bon
développement de nous bannes zenfants. C’est zot qui incite nous
bannes enfants pour adopter ène mode de vie plus sain et plus
écologique.
 Azordi nou pé cause Maurice Ile Durable. C’est ène l’idée ki Premier
Ministre ti lancé en 2008. Depuis sa nou fine faire certains projets
comment encourage servi l’ampoule économique, donne subvention
Rs 10,000 pou acheté chauffe-eau solaire, encourage compostage
banne déchets verts comment la peau légumes, la peau fruit et
feuillages, remplace sac plastique par banne sac durable, installation
panneau photovoltaïque lors banne l’école et banne bâtiments
publics pou ki zotte capave faire zotte propre l’électricité.
 Faudé pas ki zeffort là vine juste depuis Gouvernement. Sakène éna
so contribution pou amené. Dans la lutte contre changement
climatique, chaque geste compté : pas gaspille de l’eau, pas gaspille
courant, pas jette saleté partout, servi de l’eau la pluie.

4
 Tout sa c’est banne ti actions ki sakène capave faire. C’est quand
nou ajoute tout sa banne ti actions là ensemble ki nou alle vers ène
l’île Maurice durable.
 Azordi, mo pé invite chaque madame participe pleinement dans sa
"Knowledge Fair" là ki pou augmente zotte connaissance lors sa sujet
là. Mo encourage zotte tout pou prend bannes mesures pour qui nou
capav combattre changement climatique ek assure ène meuilleur
avenir pou nou bannes zanfan et pou banne prochaines générations.
 Sa exhibition là, li pas arrête ziste là zordi. C’est ène encouragement
pour zotte continuer prend bannes mesures ek assure ène meilleur
l’avenir pou nou l’environnement.
 Mo souhaité ki avec connaissance ki zotte pou gagner dans sa
programme ki nou pé faire zordi là, li pou aide zotte ek zotte famille
renforcie zotte capacité pou faire face a sa banne problèmes associé
à changement climatiques là.
Mo remercier zotte pour zotte l’attention.