eSefard 179 Les Juifs d`Albanie

e-Sefard n° 179 Les Juifs d’Albanie 15 mai 2012
Una komunidad salvada del Olokosto: Los Djudios de Albania por Gad Nassi
La Albania es el uniko payis de la Evropa, okupado por los Nazistos en la Segunda Gerra
Mundiala, ke su komunitad djudia no fue viktima del Olokosto. Es en mismo tiempo, el uniko
payis entre estos payises, ke tuvo un mas grande numero de Djudios despues de esta Gerra ke
antes.
En el amaneser de la invasion de los Alamanes, es reportado ke egzistian en la Albania, 33
famiyas djudias. La grande parte de eyas, 15 famiyas, bivian en la sivdad de Vlora. Egzistian i
syenes de Djudios de suditansa etranjera, ke sus numero se trokava kadal diya.
Kon el atako de las fuersas militaras italianas en April 1939, la Albania fue enteramente okupada
en una semana, kuaji sin dinguna rezistensia. Ansi, este payis fue inkorporado al Imperio italiano.
La eksperiansa de los Italianos de invahir a la Gresia ke empeso el 28 del Oktobre 1940, se
termino kon una fayita kompleta. Los Gregos reusheron a arondjar kompletamente a los Italianos
del teritorio grego.
La kontra-ofansiva grega avia mismo reushido a okupar una de las bazas maritimas en la Albania,
fina ke los Alamanos intervenieron en April 1941, en invahisando la Albania. Kon la kapitulasion
de la Italia a los Aliados en 1943, una partida de los soldados italianos ke se topavan en la Albania
se adjusto a los Alamanes, tandis ke una otra partida se adjusto a la Armada Nasionala de
Liberasion de los partizanes.
En Novembre, 1944, esta Armada deroto a los Alamanes en liberando la kapitala Tirana, i en
segito toda la Albania. De este modo, los komunistos etablisieron una diktatura ke iva turar serka
de una meatad de siglo.
La Salvasion en la Albania

Djudios de Albania, salvados del Olokosto. Tirana, Oktobre 29, 1944 Foto: Refik Veseli.
Despues ke los Italianos invahiseron la Albania, presionaron sovre el Governo albanezo para ke
ekspulsen a los Djudios de suditansa etranjera i de aplikar restriksiones sovre los Djudios. Los
Albanezos rezistieron a esto, i dingun Djudio ne fue ekspulsado.
De otra parte, los Italianos, mismo ke avian deportado una parte de los Djudios a la Italia, lo mas,
no fueron entuziastos para segir la ideolojia antisemita del Nazismo. Es reportado ke en los
kampos de konsantrasion basho la administrasion italiana en la Yugoslavia, kuando los Djudios de
la Evropa eran deportados a los kampos de eksterminasion, soldados italianos ayudaron a los
Djudios yugoslavos para ke se fuygan a la Albania.
En los ultimos diyas de la okupasion italiana, los Djudios de la Albania fueron arekojidos en la
eskola agrikola amerikana en Kavaja. I kuando los soldados alamanos devian remplasar a los
Italianos, el komandante italiano avrio las puertas de esta eskola en avizando los Djudios de
dispersarsen.
En Septembre 1943, los Italianos se rendieron a los Aliados. Los Alamanes ke avian deskargado
el governo pro-italiano, demandaron del muevo governo la lista de los Djudios de la Albania.
Kuando los Alamanes aprovaron de deportar a estos a los kampos de konsantrasion, el puevlo
albanezo los eskondio en sus kazas. En el empesijo, los Albanezos ajisaron kon sus propria
inisiativa. Mas despues, kuando esta tarea devino mas danjerosa, fueron los Konsilios de
Liberasion Nasionala ke se enkargaron de esto. Famiyas enteras fueron transportadas de kaza en
kaza i de una sivdad a la otra. Uvo kavzos ke pasaportos falsos les fueron dados por los
Albanezos. Los Djudios fueron degizados en kazalinos albanezos, i ansi pudieron aviertamiento
sirkular de un lugar a otro. Refujiados djudios de la Yugoslavia, Bulgaria, Alamania, Polania i
Austria de este modo toparon azilo en la Albania. Durante esta perioda, los Nazistos arestaron i
egzekutieron a Albanezos por aver protejado a los Djudios.
Djudios albanezos partisiparon i eyos en la gerra sivil kontra los Alamanes, lo mas en los rangos
de los partizanos. Entre eyos, David Koen, Ruben Zhak, Josef Bivas, i otros. Pepe Biro Kantos, ke
avia servido entanto ke partizano, kedo en la Armada Albaneza en deviniendo uno de los ofisies
de alto grado de esta armada. La famiya djudia Ardet fue matado por los Nazistos, no por su
djudaismo ma, por ser arestada entanto ke la famiya de un partizano.
Kosovo i Masedonia: Un Destino Diferente

Durante la Segunda Gerra Mundiala de punta de vista de la ideolojia fashista, la Masedonia era
divizada entre la Grande Bulgaria i la Grande Albania. Teritorias del Ueste de la Masedonia
fueron en esta perioda aneksados a la Grande Albania, apoyada por Musolini i Hitler. En 1943,
kon la okupasion alamana, el movemento de Grande Albania avia desidado la purifikasion etnika
de Kosovo-Metohija, del Ueste de la Masedonia, del Montenegro, del Sude de la Serbia, i de la
Chameria en la Gresia, en deportando o en eksterminando los Orthodoksos Serbos i
Masedonianos, los Zinganos i los Djudios.
La primera aksion de la Divizion Skanderbeg formada en esta intision fue de reunir los Djudios de
Prishtina en Kosovo. 400 Djudios fueron deportados por los Nazistos a Bergen-Belsen, onde 300
de eyos toparon la muerte.
Los Alamanes despues ke okuparon la zona italiana en el Este de la Masedonia en Septiembre
1943, deportaron munchos grupos de Djudios a los kampos de eksterminasion. Ansi, mas de 7000
Djudios de la Grande Albania, del Este de la Masedonia i de la Grande Bulgaria disparesieron en
el Olokosto.
Sovre la Istoria de los Djudios de la Albania
Es rakontado ke los primeros Djudios ke arivaron a la Albania fueron esklavos djudios deportados
de la Palestina por los Romanos en el primer siglo. Asigun la leyenda, estos se arevataron kuando
las naves ke los estavan transportando se avian undido allado de la Kosta Adriatika. Asigun el
istoriano Josefus Flavius, munchos kazales djudios egzistian en el Sude del payis, i siertos de
estos tenian nombres djudios komo Palasa-Palestina i Orikum-Yeriho. En el siglo 12, Benjamin
de Tudela rekorda ke avia enkontrado djente ke yevavan nombres djudios, i siertos de eyos dizian
ke eran Djudios. En Dardania, un porto dal tiempo, fueron topadas las ruinas de una sinagoga ke
data del primer asta el segundo siglo.
Djudios Romaniotes del Norte de la Gresia, prensipalmente de Saloniko se aresentaron en la
Albania durante la Edad Media i verso la fin de siglo 14, arivo un grupo de Djudios de la Ungaria.
En la primera meatad del siglo 16, Djudios sefardis egzilados arivaron prensipalmente a Vlora. En
la meatad del siglo 19, uvo una onda de Djudios Romaniotes ke arivaron de Yanina i de Preveze i
ke se aresentaron, i eyos, en Vlora.
En 1911, durante la Revolta Albaneza, los Djudios, akuzados de aver kollaborado kon los
Otomanos fueron masakrados por los Albanezos gregos. Konformamente a la konviksion
tradisionala egzistiendo entre la populasion grega de los Balkanes de konsiderar a los Djudios en
tanto ke los aliados de los Turkos.
En los anios 1938 i 1939, la populasion djudia de la Albania pujo achakes de refujiados djudios,
fuyendo el rejimen Nazisto en la Alamania i en la Austria.
Sabetay Sevi
Sabetay Sevi, el pretendido Mashiah del siglo 17, es el mas famozo Djudio de la istoria de la
Albania. Para meter una fin a los rumores sovre su komportamiento kontroversial despues de
averse konvertido al Islam, las otoridades otomanas lo egzilaron a la Albania, ande murio el dia de
Kipur en 1676.
Su posible tomba ke se topa allado de la sivdad de Berat, es respektado por todas las relijiones.
Los aderantes de la sekta mistika Bektashi uzaron de vijitarlo entanto ke un sanktuario de
peregrinasion. Una fiesta forana, probablamente a la memoria de Sabetay Sevi es selebrada kada
anio en este lugar.

Es notado ke los aderantes del Sabetaismo se establiseron en Berat i bivieron ayi durante 30 anios
despues de la muerte de Sevi. Es i posible ke Sabetay Sevi bivo en el kazal de Ftera en el Sude de
la Albania, ande egziste la evidensia de la prezensia djudia ke remonta a 500 anios antes i los
desendientes de estos Sabetayistos ke se avian aresentado en este kazal forman una parte de sus
habitantes. Siertos istorianos pensan mismo ke la erensia sabetayista se topa a la baza de las ideas
relijiozas i sosialas revolusionarias ke ainda karakterizan el Sude de la Albania.
Sovre la Istoria de la Albania
Es akseptado ke los primeros Albanezos fueron los Ilirianos dal tiempo aparteniendo a la rasa
Indo-Evropeana. Durante su istoria, la Albania fue el objekto de konkestas i interferensias.
Portanto, el puevlo albanezo arivo a konservar su identidad distenkta.
En primero, la Albania fue una partida del teritorio romano i despues del Bizans. Fue mas despues
invahida por los tributes Slaves, i en el siglo 9, fue aneksada a la Bulgaria. En 1468, la Albania
fue enteramente inkluida al teritorio otomano. La dominasion otomana turo fina la deklarasion de
su independensia en 1912. Durante esta perioda, la grande partida de los Albanezos se
konvertieron al Islam i un numero importante de eyos emigraron a otras rejiones de la
Mediteranea.
La Albania, ke fue el ultimo estado de los Balkanos ke se libero de la dominasion turka, es el mas
prove payis de la Evropa. Kon su populasion de 70% de Muslumanos es, en mismo tiempo el solo
payis de la Evropa kon una majoritad muslumana.
* * *
Los Djudios de la Albania son esansialmente Djudios de orijen Romanioto. Portanto, de muestros
dias pueden ser konsiderados entanto Djudios de lingua albaneza. Porke, durante el rejimen
komunisto ke turo kuaji medio siglo, toda aktivitad relijioza fue defendida i los Djudios de la
Albania fueron privados de edukasion djudia. Ansi la identidad romaniota, kon su lingua, su
liturjia i su tradision fue enteramente disolvada.
Kuando el rejimen komunisto se efondro en 1991, lo mas de los 400 Djudios albanezos suvieron
aIsrael.
°°°°°°°°°°°°°°°°°°°°°°°°°°°°°°°°°°°°°°°°°°

Traduction Laurette et Benjamin Hasson
UNE COMMUNAUTE RESCAPEE DE L’HOLOCAUSTE :
LES JUIFS D’ALBANIE (par GAD NASSI)
L’Albanie est le seul pays d’Europe, occupé par les Nazis, durant la deuxième Guerre
Mondiale, dont la communauté Juive, ne fut pas victime de l’Holocauste. En même
temps, le seul parmi ces pays qui retrouva plus de juifs après la guerre
qu’auparavant.
Au début de l’invasion Allemande, on dit qu’il y avait, en Albanie, trente-trois
familles juives. La plupart d’entre elles, quinze, vivaient dans la ville de VLORA. Il
existait, aussi, des centaines des juifs de nationalité étrangère dont, le nombre
changeait chaque jour.
Lors de l’attaque des forces militaires Italiennes (Avril 1939), l’Albanie fut
entièrement occupée en une semaine, sans presque de résistance. Ce pays, fut donc
annexé à l’Empire Italien. La tentative des Italiens, d’envahir la Grèce (commencée
le 28 Octobre 1940), fut une faillite complète. Les grecques réussirent à chasser
complètement les Italiens du territoire grec.
La contre-offensive grecque, avait même, réussi à occuper une base militaire en
Albanie, jusqu’au moment où, les Allemands intervinrent en Avril 1941, avec l’invasion
de l’Albanie. Quand l’Italie, capitula devant les Alliés, en 1943, une partie des
soldats italiens qui se trouvaient en Albanie, se joignit aux Allemands, tandis qu’une
autre partie rejoignit l’Armée Nationale de Libération des Partisans. En Novembre
1944, cette armée vainquit les Allemands, libéra la capitale Tirana, puis tout le pays.
Ainsi, les communistes établirent une dictature qui allait durer près d’un demi-siècle.
LE SAUVETAGE EN ALBANIE
Juifs d’Albanie, sauvés de l’Holocauste Tirana, 29 Octobre 1944 (photo).
Après l’invasion de l’Albanie par les Italiens, ceux-ci firent pression sur le
gouvernement Albanais, afin d’expulser les juifs de nationalités étrangères et,
d’appliquer des restrictions sur les juifs. Les Albanais, s’y refusèrent : aucun juif ne
fut expulsé.
D’autre part, les Italiens, même s’ils avaient déporté une partie des juifs vers
l’Italie, ne suivirent pas complètement l’idéologie antisémite de Nazisme. On dit que
des camps de concentrations gérés par l’administration Italienne, en Yougoslavie,
lors de la déportation des juifs d’Europe, vers les camps d’extermination, des
soldats italiens aidèrent les juifs de Yougoslavie à fuir en Albanie.
Lors des derniers jours de l’occupation italienne, les juifs furent recueillis dans
l’école agricole américaine à KAVAJA.
Quand les soldats Allemands durent remplacer les soldats Italiens, le commandant
Italien, ouvrit les portes de cette école, recommandant aux juifs de s’enfuir.
En Septembre 1949, les Italiens se rendent aux Alliés.