6vet

AN HEN-EJIPT (4 eur)
Kentel 1 : ar piramidennoù
Teul : Kartenn ha linenn an amzer Hatier niv. 2 (chom hep klokaat linenn an amzer
: goulenn hepken pet amzer en deus padet an Hen-Ejipt)
Kemer ivez an teul 1 p.24 (+ goulenn) hag an teul 3 p. 25 (+ goulenn)
Roud : E Biz Afrika emañ bro Ejipt. Tri milved en deus padet istor Hen Ejiptiz.
Dourgresk ar stêr Nil a reole buhez an dud. Degas a ra war an douar ur fank strujus
(teulioù 1 ha 3 p. 24 ha 25).
Dourgresk : p. 24
Kentel 2 : Piramidennoù a zo bet savet gant ur gevredigezh frammet-kenañ.
Teulioù : Faraon (ficehnn hatier niv. 2 " Arouezioù ur Faraon" ha piramidenn
Kheops da glokaat (fichenn Hatier niv. 3 "Bezioù ejiptiz ")
+ poelladenn 1 p. 40 + lenn teul 5 p. 31 : Peseurt doare-teul eo ?(pe natur eo an teul
?)
Roud : Un doue bev eo Faraon. An holl c'halloudoù a zo gantañ. Ren a ra war Bro
Ejipt. Un nebeut tud a zo en-dro da Faraon (poelladenn 1. p. 40), pobl an draonienn
a zo anezhañ labourerien douar dreist-holl, a labour kalet hag a sav ar
piramidennoù.
Kentel 3 : Ar piramidennoù, lec'hioù-annez evit ar beurbadelezh.
Teulioù : teul 4 p. 33 ha goulennoù da heul. Fichenn 3 "Penaos e oa un templ
ejiptat"
Roud : Mojenn Oziris a ziskouez orin bro-Ejipt, kelc'hiad ar plantennoù a varv hag
a adgan bep bloaz hag erfin ar feiz en ur vuhez goude ar marv. Savadurioù evit
enoriñ ar sent eo an temploù. Kalz doueoù o deus Ejiptiz : liesdoueidi ez int.
Liesdouead : unan a gred ez eus meur a zoue ha n'eo ket unan hepken.
Teuliad ha poelladennoù p. 38-39.

BRO-HELLAS (6vet)
Kentel 1 : Orinoù ar bed Hellasek
1 Stummadur ar bed Hellasek
Teul : Kartenn Hatier niv. 5 "Bro Hellas" ha p.p. 57 ha 75
Roud : Bro C'hres an henamzer a vez graet "Hellas" anezhi. Kreizennet eo Bro
Hellas e tu reter ar Mor Egaios hogen emañ staliet ivez war inizi diniver ha war
aodoù kornog Bro Bersia (sellout kartenn). Adalek 2000 Kent Hor Salver (KHS),
pe Kent Jezuz Krist (KJK) e vez poblañsoù oc'h en em staliañ eno.
2.Aozadur ar bed hellasek
Teul : Kartenn Hatier niv. 5 "Ar bed helladek war-dro 500 kJK" (sikour p. 61)
Goulennoù : Pelec'h o deus ar Chresianed diazezet kalz a drevadennoù ?
Pe anv 'oa Marseille d'ar poent-se ?
Teul : niv. 2 p. 61
Goulennoù : Pe re eo anvioù ar savadurioù pennañ eus ar Geoded, estreget an tiez-
annez ?
Da betra e servij ar mogerioù-difenn ?
Klaskomp ur ger heñvelster ha mogerioù-difenn. Mogerioù Kreñv.
Roud : E-barzh keodedoù e vev ar c'hresianed. Diazezañ a reont trevadennoù tro-
dro d'ar mor Kreizdouarek.
Keoded : p. 60
Trevadenn : p. 60
3 Ur sevenadur hellasek boutin
Teulioù : ar skolajidi a zispleg dirak ar re all e studiadenn war an danvezioù a vo
bet roet dezho da labourat diouzhtu o kregiñ gant ar gentel 1 : an doueoù e bro
Hellas, ar c'hoarioù olumpek, danevelloù Homeros, ar Geoded, ar Republik, ar
filosofed…
Da welout : panelloù er CDI diwar al labourioù-se.
Sujets possibles : les différents Dieux grecs, les jeux olympiques, les récits
d’Homère avec une éventuelle exposition au CDI.
Roud : An hevelep yezh a vez komzet gant an Hellased. Anavezout a reont mat an
Illias hag an Odisseia. Liesdoueidi int. Kemer a reont perzh er c'hoarioù olumpek.
Ar vitologiezh pe ar wengelouriezh a zanevell istor an doueoù hag an harozed.

Kentel 2 Aten er Vvet kantved
1 Ur geoded hag un demokratiezh
Teulioù :
a) div gartenn vihan niv. 6 Hatier diwar-benn Aten, gant sikour kartenn ar bajenn
73 hag an teul 4 p. 77.
b) Teul 1 p. 76 respont d'ar goulenn
Teul 1 p. 78 : Piv a gemer perzh er vuhez politikel ? (dgas ar ger Demokratiezh)
c) Roud : Keoded Aten a zo anezhi meur a lec'hioùg a savadurioù (fichenn 6)
Gouarnet e vez gant keodedad a vev hervez pennanennoù an demokratiezh.
Keodedad : p. 76 (citoyen)
Demokratiezh : diwar ar wrizienn c'hesianek demos a zo kement ha popl. Renad
politikel m'emañ ar galloud ennañ gant ar bobl, ar geodedidi.
2 Galloud ar Geoded
Teulioù :
a) Teulioù p. 82-85. Goulennoù 1 ha 4 p. 83 ha 1 ha 2 p. 85
Da echuiñ er gêr, gant/pe neuze fichenn Hatier 7
b) teul 5 p. 75
Pet Trec'h a vez anv anezho ? Piv a zo kevredet ouzh Aten ?
Roud : Ur galloud bras a zo gant Aten er Vvet kantved. Ar Parthenon hag an
Akropolis a zo ar savadurioù pennañ a ziskouez an nerzh-se (p.p. 84-85);
A-drugarez d'he c'hengevredidi ha da Gevre Delos e vez trec'h ar geoded (Teul 5 p.
75)
Kentel 3 : Impalaeriezh Aleksandria
1 Savadur un impalaeriezh
Teulioù :
a.) gant skoazell ar gartenn p. 91, klokaat ha livañ kartenn 8 Hatier (da echuiñ er
gêr)
b.) lenn an digoradur p. 94-95 hag ar pennad C p. 92
Roud : Aloubiñ a ra Aleksandr un tamm eus Azia. Gant e varv e voe rannet an
impalaeriezh e meur a rouantelezh, renet gant tierniezhioù.
Tierniezh : p. 92
2 Kêr Aleksandria
Klokaat tres-kêr Aleksandria (ficehn 8) oc'h en em sikour eus ar bajenn 97
Lenn ar pennad A p. 96

Roud : Aleksandria a zo ur porzh bras, enni savadurioù levezonet gant bro Hellas
ha bro Egipt (sellout ouzh an tres-kêr).
Ur gêr kosmopolitek ez eo, a zo enni meur a ranngêr ha poblañsoù disheñvel-mat
eno.
Komospolitek : gw. Liespobl p. 96

DEROÙ AR GRISTENIEZH
Kentel 1 : Piv eo Jezuz-Krist ?
Berrskrid : teul 4 p. 111. Bet ganet e Betleem bro Judea, ur broviñs dindan an
impaleriezh roman, e tremenas e vugaleaj e Nazared. War-dro e dregont vloaz ez
eas dre Balestina oc'h embann "ar C'heloù mat" pe "an Aviel". Gwelet e vez oc'h
ober burzhudoù.
Paotred ha merc'hed 'zo a ya da heul Jezuz. Evito ez eo ar C'hrist, kannad Doue. E-
touez ar fideled-se e tibabas Jezuz e zaouzek abostol.
Teul 3 p. 142 Harzet e voe e Jeruzalem gant ar gouarnour roman Poñs Pilat.
Kondaonet e voe Jezuz ha kroazstaget (teul 4 p. 149)
Koulskoude e lavar e ziskibien e teuas Jezuz a varv da vev en-dro an deiz goude
antronoz. Chomet e vefe bet ganto a-raok distreiñ d'an neñvoù 40 devezh warlerc'h
: da yaou Bask. Bodet holl en un ti o defe resevet ar Spered Glan nebeut goude (sul
ar Pantekost)
Poelladenn niv. 4 p. 149 er gêr
O klask e-barzh al levr (p. 138-149), adskrivañ an arroudoù en testennoù a glot
gant ar skeudennoù hoc'h eus lakaet en urzh.
Nedeleg
doc 2 p. 138 : Bet ganet e Betleem, ur broviñs eus an impaleriezh roman e
tremenas Jezuz e vugaleaj e Nazared.
Jezuz badezet gant Yann-vadezour
War-dro e dregont vloaz ez eas dre Balestina oc'h embann "ar C'heloù Mat", pe
Aviel.
Paotred ha merc'hed a ya d'e heul. Evito ez eo ar C'hrist, kannad doue. Dibab a reas
Jezuz e zaouzek abostol e-touez e fideled.
Ur burzhud sevenet gantañ.
Ober a reas burzhudoù
Ar Goan ziwezhañ